- खीममाया घरब्जा छन्त्याल
पौरखी हाम्रा पूर्खाहरुले ।आफ्नै जाति लेखाउन भुलेछन् ।।
सिधा सोझा हाम्रा पूर्खाहरु ।
खानी खानीमा नै डुलेछन् ।।
माटो सुँघेर पत्ता लगाउन सक्ने हाम्रा पूर्खाहरु ।
आफ्नो ईतिहास राख्न भुलेछन् ।।
भर्ती हुन खोज्ने हाम्रा पूर्खाहरुले ।
थापा, पुन, राणा, र गुरुङ लेखाउन पुगेछन् ।।
त्यसैले अहिले हाम्रा कतिपय बन्धुहरुले ।
आफ्नै गोत्रपित्र पनि भुलेछन् ।।
मेहनती र परिश्रमी हाम्रा पूर्खाहरु ।
आज किन लोप हुन पुगेछन् ।।
हाम्रा पूर्खाहरुले आफ्नो ईतिहास राखिदिएका भए ।
आज पक्कै इज्जत र प्रतिष्ठा पाउने थिए ।।
अझै पनि हामीले भाषा र संस्कृतिको जगेर्ना गरेनौ भने
पक्कै पनि हाम्रा छन्त्याल जाति लोप भएर जानेछन् ।
श्रोत : न्हि ए पाईला
